Tornionlaaksolaisitten päivä oon tuorestaina 15 p. jyyliä.
Olet tervetullu osanottajanna juhlassa joka suoralähätethään tikitaalisesti länkin kautta Täränönsaarelta. Flaku nostethaan ja tullee olheen laulua, mysikkiä ja paljon muuta.
Kylttyyri- ja temukratiministeri Amanda Lind vihkii päivän. Lisäksi osalistuu Leena Huss, joka tutkii minuriteettikieliä ja kakskielisyyttä, Charlotte Kalla, nuoritten järjestö Met Nuoret, STR-T ja monet muut. Tottuus- ja sovintokomisuuni tornionlaaksolaisile, kväänile ja lantalaisile selittää jatkuvasta työstä.
Päivä oon STR-Tn ja Tottus- ja sovintokomisuunin yhtheisjärjestely. Lissää tietoa, aikoja ja linkki, oon tulossa. Pantemiin syystä paikan päälä tulle olheen rajotettu määrä osalistuvaa.
Käänös: Birgitta Rantatalo
