rhdr
Yhteinen kokous 2019 Kierunassa. Kuva: Heidi Nilimaa Monsen.
Aika: 17-19/4 2020
Paikka: Harrinivan lomakylä, Muonio
Lauantaina 18 aprillia 2020 piethään perintheinen vuosikonkressi. Perjantai iltana 17/4 ja aamupäivälä 19/4 oon yhteinen ohjelma Ruijan Kveeniliiton kans.
Tärkeätä tietoa
Jos halvat osalistua vuosikonkreshiin ilmota viimisthään 15 maaliskuuta [email protected]
Muista kans antaa tietoa jos sulla oon ruokaalerkiitä ja jos halvat vyöpyä Muoniossa. STR-T kostantaa yhen hengen reisut ja vyöpymiset/paikalisosasto.
Konkressitokumäntit saattaa tilata kansliasta [email protected]
Lämpimästi tervetulheita!
STR-Tn johtokunta
Tietoa 2020-03-16
Yhteinen vuosikonkressi 17-19/4 oon peruutettu. Johtokunta kattoo jos oon mahollista järjestää tikitaalisen vuosikokouksen. Tietoa tullee.
Tietoa 2020-03-30
Tietenki förpynti seuraa kehitystä Folkhälsomyndighetenin (Kansanterhveysviranomhaisen) suositteluista ja niistä kokousrajotuksista joita pittää seurata Coronapandemiin johosta. Met halvama tehhä selväksi ette förpynti pohtii järjestää vuosikokouksen 18 huhtikuuta kl. 10.00 tikitaalisen tekniikan kautta ette saatat osalistua olisit missä vain. Meän toivomus oon pystyä antamhaan enämpi tietoa viikko 13 menheessä tästä tikitaalisesta ratkaisusta mitä tällä hetkelä suunitelhaan. Tet saatta kans tietoa viimisestä ilmotuspäivästä.
Saatat 30/3 lähtien tilata vuosikokouksen asiapaperit tikitaalisesti lähättämällä meilin [email protected] niin tokymäntit lähätethään sulle jakopalvelun Sprend.com kautta.
Tietoa 2020-04-03:
Vuosikonkressi oon klo 10.00 lauantai 18 huhtikuuta Zoom veppikokouksen kautta. Ilmota viimisthään 14 huhtikuuta [email protected]
Tietoa 2020-04-15:
Vuosikonkressin päivä oon klo 10.00 25 huhtikuuta.
